विजयादशमी टिका र जमरा लगाई हर्सोल्लासका साथ मनाईदै
संवाददाता
आज विजया दशमी | असत्यमाथी सत्य तथा अन्यायमाथी न्यायको बिजयको प्रतिक विजया दशमी घरघरमा टिका र जमरा लगाई हर्सोल्लासका साथ मनाईदैछ। आजको दिन अक्षताको टिका र नौ दिनसम्म पूजाअर्चना गरेको जमरा लगाएर दशै मनाउने चलन छ। विजया दशमीमा परिवारका सबै सदस्यहरु जम्मा भै उमेर अनुसार ठूलाले सानालाई टीका र जमरा लगाई आर्शिवाद दिने चलन छ ।
आजैको दिन दुर्गा भवानीले महिषाशुर नामक अशुरको वध गरेको भनेर पनि उल्लेख गरिएको छ । टिका र जमरालाई दैत्यहरुमाथी देवताहरुको विजय, असत्यमाथी सत्यको विजय अनि अमानविय तत्वमाथी मानवताको बिजयोत्सवका प्रतिकका रुपमा लिइन्छ । कोरोना संक्रमणको त्रासका कारण यो बर्षको दशैमा भने चहल पहल निकै कम देखिएको छ।
पुरुषलाई टिका लगाइदिंदा भन्ने आशिर्बाद
ॐ आयू द्रोण सुते, श्रृयं दशरथे शत्रुक्षयं राधवे
ऐश्वर्य नहुषे, गतिश्च पवने, मानं च दूर्योधने ।।
सौर्य शान्तनवे, बलं हलधरे सत्यं च कुन्ती सुते
विज्ञानं विदुरे भवतु भवतां कीर्तिश्च नारायणे ।।
महिलालाई टिका लगाइदिंदा भन्ने आशिर्बाद
ॐ जयन्ती मङ्गलाकाली,भद्रकाली कपालिनी।।
दुर्गा क्षमा शिवाधात्री, स्वाहा स्वधा नमोऽस्तुते।।
विश्व भरि रहनु भएका हाम्रा सम्पुर्ण पाठकहरुमा खबर बाकस परिवारको तर्फबाट बिजया दशमीको हार्दिक मंगलमय शुभकामना।
