बेलायत सरकारले सोमबार बिहान ४ बजेदेखि नेपाललाई रेड लिस्टबाट हटाउने

बेलायत सरकारले आगामी सोमबार बिहान ४ बजेदेखि लागु हुने गरी नेपाललाई रेड लिस्टबाट हटाएको छ। नेपालसंगै यसअघि रेड लिस्टमा रहेका अधिकांश मुलुकहरु रेड लिस्टबाट हटेका छन भने अब कोलम्बिया, डोमिनिक रिपब्लिक, पेरु, पानामा, इक्वेडर, भेनेजुएला र हाइटी मात्र रेडलिस्टमा रहेका छन् ।

रेड लिष्टबाट हटेपछि अब कोभिड विरुद्ध  दुबै डोज खोप लगाएका यात्रुहरूले अब आगामी सोमबार बिहान ४ बजे पछी नेपालबाट बेलायत आईपुगेमा होटेल क्वारेन्टिनमा बस्नु पर्ने छैन् ।

 

बेलायतको पछिल्लो निर्णयले परिवारसंगको भेटघाट र दशैं-तिहार मान्न नेपाल जानेहरुलाई सहज हुने भएको छ । त्यसैगरी, उच्चशिक्षा अध्ययनका लागी बेलायत आउने विद्यार्थीहरुलाई पनि  होटेल क्वारेन्टिन बस्नु नपर्ने भएकाले थप आर्थिक भारबाट राहत मिल्ने भएको छ।