चितवनमा ९४ जनामा कोरोना संक्रमण पुष्टि
चितवन \ चितवनमा बिहीबार ९४ जनामा कोरोना भाइरस संक्रमण पुष्टि भएको छ । स्वास्थ्य कार्यालय चितवनका अनुसार ४०८ जनाको पिसीआर र ४३ जनाको एन्टिजेन परिक्षण गर्दा ९४ जनामा संक्रमण पुष्टि भएको हो ।
यो संख्या परिक्षण गरिएका मध्ये २०.८४ प्रतिशत हुन आउँछ। बुधवार संक्रमण १८ प्रतिशत थियो ।
संक्रमित मध्ये सबै भन्दा धेरै ८० जना भरतपुर महानगरपालिका भित्रका रहेका छन । चितवनमा सक्रिय संक्रमितको संख्या ३२७ रहेको छ ।