हेटौंडामा आज काँग्रेस बागमती प्रदेश अधिवेशन

संवाददाता
१६ मंसिर २०७८, बिहीबार ०७:५०

 खबरबाकस \ नेपाली काँग्रेसको बागमती प्रदेशको  अधिवेशन उद्घाटन हेटौंडामा हुने भएको छ। काँग्रेसका सभापति एवं प्रधानमन्त्री शेरबहादुर देउवाले १४ औं महाधिवेशनअन्तर्गत काँग्रेस बागमती प्रदेशको अधिवेशनको भर्चुअल मार्फत उद्घाटन गर्ने कार्यक्रम रहेको छ।

बागमती प्रदेशको अधिवेशनको सम्पूर्ण तयारी भइसकेको प्रदेश अधिवेशनका संयोजक प्रदीप कोइरालाले जानकारी दिए। कार्यक्रम हेटौँडामा रहेको वनविज्ञान अध्ययन संस्थानको खेल मैदानमा बिहीबार बिहान ११ बजे हुने बताइएको छ।

प्रदेशको संरचनाअनुसार काँग्रेस प्रदेशको निर्वाचन यो पहिलोपटक हुँदैछ। प्रदेश सभापतिमा देउवा पक्षबाट मकवानपुर जिल्ला सभापति तथा बागमती प्रदेश संसदीय दलका नेता इन्द्र बानियाँले उम्मेदवारी घोषणा गरेका छन् ।

यस्तै कृष्णप्रसाद सिटौला समूहबाट काठमाडौँ जिल्लाका पूर्वसभापति तथा पूर्व रक्षामन्त्री भीमसेन दास प्रधानले उम्मेदवारी घोषणा गरेका छन् । वरिष्ठ नेता रामचन्द्र पौडेल समूहले प्रदेश सभापतिमा जगदीश्वरनरसिंह केसीको नाम अगाडि सारेको छ । बागमती प्रदेश अधिवेशनमा मंसिर १७ गते मनोनयन दर्ता र १८ गते मतदान हुने निर्वाचन कार्यतालिका छ ।

यसमा तपाइको मत

Your email address will not be published. Required fields are marked *


*